ALEANXA LIBARA EUROPEA

L’ALE xè un Partio Politico Europeo che riunise, nel’Union Europea,partii progressisti, nasionalisti, regionalisti e autonomisti.

I partii politisi che xè membri del’ALE sotoscrive el dirito dei popoli al’autodeterminasion e i aderise ai prinsipi dela democrasia parlamentar e dei diriti umani.

L’obietivo prinsipal del’ALE xè de darghe al nasionalismo democratego e al regionalismo na strutura politica che parmeta de perseguir inisiative a livelo europeo. L’ALE asegura un ruolo nela politica europea a partii che, par via del sistema eletoral, dele so dimension, o par la dimension del’area geografica che i rapresenta, saria inevitabilmente esclusi da quela arena.

L’ALE xè par la solidarietà fra popoli, lengue e culture. Defender e protezer la diversità dele lengue e dele culture nel’Union Europea xè, secondo l’ALE, el fondamento per la costrusion de un’Europa democratega e unificada.

L’ALE ga rapresentanti in 13 Stati Membri del’Union Europea e conta 33 partii membri co pì de 200 rapresentanti eleti ai liveli europeo, nasional e regional. Insieme, questi rapresentanti parla 25 lengue diverse.

“Parlemo a voxe alta e defendemo el tò dirito a lexar e a parlar nela tò lengua!”


Obietivi

L’ALE rivendica “una Union Europea de liberi popoli basada sora del prinsipio de susidiarietà, che crede nela solidarietà co tuti i altri popoli del mondo”. La mira a questi obietivi:

* protesion dei diriti dei omeni e dei popoli;
* protesion del’ambiente e svilupo sostenibile;
* costrusion de una società equa, co solidarietà politica che incoragia progresso, coexion social e pari oportunità;
* riorientamento de l’Union Europea, fin desso masa influensada dala sò concezion economica che tende solamente a conseguir politiche de liberalizasion, competision e centralizasion;
* perseguimento de atività politiche in modo no-violento;
* abolision del’energia nuclear e svilupo de energie alternative;
* partecipasion dele region che ga poteri costituzionali ale riunion del Consegio dei Ministri quando che le se riferisse a materie che rientra nele sò competenze, par acentuar el reconossimento dele nazion e dele region storiche;
* acesso direto dele nazion e region storiche ala Corte de Giustizia;
* riforma democratica dele Istituzion Europee e raforzamento del ruolo dela Conferenza dele Region;
* difesa e salvaguardia dela diversità linguistica e cultural
del’Union Europea.