La me vita

Son nato nel 1959, dopo el liceo sientifico e varie esperiense de laoro, go frequentà l'Isef e dopo me son laureà in Scienze Motorie.

Son sposà, gò dù butini e laoro come sistemista informatico.

Nel 1992 gò scominsià la mè atività politica nela Lega Nord, pò dopo son passà nela Liga Veneta Repubblica, par dopo arivar a costruir el partio unego dei Veneti.

Dal 1993 al 1997 son stà asesor e consilier comunale a San Martin Bon Albergo, durante el me mandato, tra le tante cose, go portà a compimento l'asilo nido "Collodi" e la realixasion dela Pro Loco, go dato un forte impulso al "Centro Aperto" e ala nova biblioteca. 

Dal 2002 al 2007 son de novo consilier comunale d'oposixion a San Martin Bon Albergo.

Dal 2007 al 2009 me son dato da far in tel "Forum dei Veneti" e in tel movimento Veneti par dar vita al'unità politega Veneta par l'independensa.