Sogni a oci verti

El me sogno el xè quelo de riuscir a realixar na società a misura d’omo, dove la persona, co la sò dignità e i sò valori, la sia centro del’atension.

Penso a servisi publici al’altesa dele aspetative dei sitadini con un livel de tase proporsionà ai servisi fati.

Un servisio sanitario ai masimi liveli par tuti, na justisia eficiente veloce e veramente justa, sicuresa per ci laora e anca par ci produxe.

Rispeto dele legi e ripristino dela legalità, par dar tranquilità ai sitadini.

Lasar perdar condoni, sanatorie e no ametare alcuna clandestinità e laoro nero, che vol dir solo sfrutamento e delinquensa.

Tanta libartà par tutti nel rispeto de quela dei altri.

Rispeto dela nostra storia, lengua, cultura e dele nostre tradisioni atraverso un coreto insegnamento a scola de tute stè robe.

Realixar na vera solidarietà e na acogliensa tipica Veneta, tegner controlà l’imigrasion extracomunitaria par evitar tensioni sociali e consentirghe un adeguato inserimento sociale, con lo scopo de evitar fenomeni de rasismo o sfrutamento.

Ancò la nostra situasion la xè talmente deteriorà che stè robe le par dei veri e propri sogni, squaxi, squaxi dele utopie, quando invese le dovaria esar le normali aspetative de ogni sitadin, ma non xè mia così dapartuto, in molti paesi d’Europa, tuto questo el xè xà na realtà o ghe semo visini.

Dovemo credarghe e laorar par realixar tuto questo!

Con le nostre proposte concrete e un paso ala olta ghe arivaremo!

Ma ghe la faremo solo se gavaremo el Vostro aiuto......
solo con el Vostro apogio e la Vostra fiducia podaremo farghela!